Kthehet për rigjykim nga SPAK çështja e “CEZ”.
Biznesmeni Kastrot Ismailaj është marrë në pyetje në lidhje me këtë dosje.
Ai është shoqëruar nga burgu i Fierit për në ambientet e Prokurorisë së Posaçme nga Drejtoria e Përgjithshme e Burgjeve.
Dëshmia e tij është marrë nga prokurori Altin Dumani dhe më pas është shoqëruar sërish në Fier.
Kastriot Ismailaj është dënuar në vitin 2017 me 11 vite burg për mashtrim me pasoja të rënda dhe “pastrim të produkteve të veprës penale”. Gjykata ka urdhëruar edhe sekuestrimin e 5 milionë eurove. Ai ishte administrator i kompanisë DIA, e ngarkuar për mbledhjen e borxheve të CEZ, ku u përfshi në një skemë mashtrimi, duke shkatërruar edhe raportet mes shtetit shqiptar dhe CEZ, me kosto të madhe për buxhetin e shtetit.
Ai u arrestua në 12 maj të vitit 2015 nga Sektori i Pastrimit të Parave dhe ai i Krimit Ekonomik dhe Financiar ne Policinë e Shtetit.
