LIGJET E BIZNESIT
Në fushatën për zgjedhjet lokale të Tiranës, kryebashkiaku aktual Erion Veliaj vetëm për probelemet lokale të qytet nuk po flet. Dëshmia e radhës ka qenë edhe në takimin e sotëm të Veliajt me banorët e njësisë 11 në Tiranë.
Veliaj në fjalën e tij, duke marrë shembullin nga Rama foli për çdo gjë tjetër veçse për projekte dhe plane për të përmirësuar jetën e këtyre banorëve.
Në mesin e vapës së kësaj të enjte qershori Veliaj pasi nuk la asnjë temë kombëtare dhe ndërkombëtare pa trajtuar dhe pasi i ezuaroi të gjitha lajkat për kryeministrin Rama, në fund kishte rezervuar edhe disa ofendime raciale për të gjithë opozitarët e këtij vendi. Me një term shumë të ultë, “homodebilus”, Veliaj etiketoi të gjitha ata që nuk e pëlqejnë atë dhe mazhorancën e tij dhe që nuk ia përgëzojnë “punët e mira” të bëra në këto vite.
“Ka homosapiens ka edhe homodeblius. Por edhe me homodebilus do flasim. Nuk kemi ca të bëjmë. Miqtë e mi nuk mundet që homodebilus te jetë më i madh se homosapiens në Tiranë dhe në Shqipëri. Homodebilus mund të ishte në kohën e Haxhi Qamilit, por jo të pengojë rrugën europiane tw Shqipërisë. Homodebolus është i pashërueshëm, por në duhet të ecim përpara.”- tha ndër të tjera Veliaj me një gjuhë urrejtje, që në këtë moment ku është vendi vetëm sa i hedh benzinë zjarrit.
Pas “shpellar” dhe një sërë ofendimesh të rënda, “homodebilus” është perla e radhës që del nga fjalori i pasur i qytetarit numër një të Tiranës.
