Del lista e emrave/ Ja kush janë politikanët dhe biznesmenët shqiptarë të shpallur “non-grata” nga SHBA

Shkon në 6 numri i shqiptarëve që shpallen “non-grata” nga SHBA.

Listës iu shtua sot edhe ish-deputeti i Partisë Socialiste Aqif Rakipi dhe biznesmeni Ylli Ndroqi.

I pari që ka përfunduar në listën e zezë të amerikanëve ka qenë ish-Prokurori i përgjithshëm i Shqipërisë, Adriatik Llalla, i cili u shpall non-grata në 14 shkurt të vitit 2018-të.

Po në të njëjtin vit, pak muaj më vonë më saktësisht në 16 Prill SHBA vendosi të shpallë non-grata ish-deputetin Tom Doshi.

Ndërkohë në 30 Korrik 2019 SHBA vendosi të shpallë non-grata Vangjush Dakon, ish-kryebashkiakun e Durrësit.

Në 26 maj të vitit 2021 Shtete e Bashkuara të Amerikës do të shpallnin non-grat5a dhe ish-kryeministrin e Shqipërisë Sali Berishën.

Ndërsa ditën e hënë në 11 Prill 2022 në listën e zezë të SHBA do të përfundonin edhe ish-deputeti Aqif Rakipi dhe biznesmeni Ylli Ndroqi.

Lista e shqiptarëve të shpallur non-grata nga SHBA:

Sali Berisha

Tom Doshi

Vangjush Dako

Adriatik Llalla

Aqif Rakipi

Ylli Ndroqi