E rëndë në Berat/ Babai i ngul th ikën djalit, 32-vjeçari dërgohet me urgjencë te Trauma

Një ngjarje e rëndë ka ndodhur në lagjen “Dëshmorët e Kombit” në Berat.

Pas një konflikti në familje, 66-vjeçari Ramo Sheroku ka goditur disa herë me thikë djalin e tij 32-vjeç Andrea Sheroku.

I riu me plagë të shumta në trup është transportuar fillimisht me ambulancë në Repartinn e Urgjencës në Spitalin Rajonal të Beratit dhe më pas i është nënshtruar një ndërhyrjeje kirurgjikale në Repartin e Kirurgjisë.

Ende nuk dihen motivet e këtij sulmi.

Mjekët e Spitalit të Beratit konfirmojnë se 32-vjeçari kishte marrë goditje në pjesën e kraharorit, afër mushkërive dhe për shkak të gjendjes së tij të rënduar mjekët e kanë transportuar drejt Spitalit Ushtarak në Tiranë.

Babai i djalit është shoqëruar në ambientet e DVP-së Berat dhe nga dëshmia e tij pritet të zbardhen detajet e ngjarjes së rëndë.