Mbi 600 mijë euro dëm ekonomik në buxhet, zbulohet mashtrimi me derivatet e naftës në doganë

Dogana e Kosovës bën me dije se gjatë kontrolleve kanë gjetur dyshime për shmangie taksash nga 3 subjekte që operojnë në fushën e tregtisë me derivate të naftës.

Në njoftim thuhet midis të tjerash se Dogana e Kosovës ka njoftuar prokurorin kujdestar dhe me vendim të prokurorit janë arrestuar personat përgjegjës të tri subjekteve të përfshira në këto procedura lirimi, përderisa hetimi do vijojë në zbardhjen e rrethanave të këtyre rasteve.

“Si rezultat i inspektimeve është zbuluar lirimi i bazuar në dokumente të falsifikuara ndër vite, fillimisht nga këto tri subjekte që kanë deklaruar edhe ndërlidhjen mes vete. Dyshimi është se këto subjekte kanë liruar në import derivate duke i shkaktuar dëm buxhetit të shtetit prej mbi 600 mijë euro gjatë tre viteve të fundi”, thuhet në njoftim.

“Dogana e Kosovës në bashkëpunim me autoritetet kompetente do të vazhdojë të ushtroj kontrolle në kuadër të realizimit të detyrave dhe përgjegjësive të saj, me qëllimin e vetëm parandalimin e veprimtarive ilegale në të gjithë territorin e Republikës së Kosovës”, thuhet në njoftim.

Dogana e Kosovës fton qytetarët të njoftojnë në numrin e telefonit 080050095.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern