Duket se rruga e Shqipërisë drejt Bashkimit Europian do të zgjatet edhe me një vit tjetër. Si për Shqipërinë edhe për Maqedoninë e Veriut, Komisioneri Johannes Hahn tha se nuk mund të çelen negociatat në këtë verë, duke mbajtur një fije shprese për muajin tetor. Në konferencën për shtyp, ai ka deklaruar se për shkak se disa vende, si Holanda, Danimarka e Gjermania kanë kërkuar më shumë kohë për shqyrtuar raportin e KE, vendimi do të jepet në muajin tetor. Ndërkohë ka theksuar, se vendimi për Shqipërinë e Maqedoninë e Veriut do të merret në grup dhe ka sinjale pozitive për muajin tetor.
“Dua të falënderoj presidencën rumune. Ka pasur përpjekje të suksesshme. Ne kemi bërë progres në fakt. Nuk jemi aty ku do donim por kemi bërë progres. Këshilli ka thënë se është mjaft i rëndësishëm integrimi në BE. Shpresojmë që këto vende të Ballkanin Perëndimor të integrohen në BE. Ka disa vende që nuk janë të gatshme për të pranuar hapjen e negociatave me Shqipërinë e Maqedoninë e Veriut, megjithatë BE mendon se këto vende duhet të shpërblehen. Nuk është vetëm në interes të këtyre 6 vendeve të Ballkanit Perëndimor por edhe në interesin tonë. Është shumë e rëndësishme të bashkëpunojmë me këto vende që përmirësojmë kushtet. Të gjitha këto bazohen edhe në merita individuale. Sipas rezultateve zgjerimi ndikon në paqe, në stabilitet në rajon pra është investim për to, megjithatë një vendim nuk është arritur të merret në lidhje me hapjen e negociatave. Nuk është arritur të merret këtë verë. Kërkojnë më shumë kohë për rekomandimet tona që të bëjnë vlerësimin e tyre”, deklaroi Hahn.
Më tej Hahn tha se situata politike në Shqipëri ka disa probleme, por nuk duhen nënvlerësuar edhe punët e mira që vendi ka bërë, siç ka qenë për shembull Reforma në Drejtësi.
“Sigurisht mund të shikoni sot në Shqipëri dhe mund të jenë të frikësuar për sit politike dhe me zgjedhjet. Por është e rëndësishme të kuptohet se c çfarë është bërë në lidhje me BE dhe janë 5 pika që Shqipëria duhet t’i bënte dhe ata i kanë bërë. Me veçanërisht me Reformën në Drejtësi ata kanë bërë punë të mirë. Ti fajësosh sot për shkak se 8 nga 9 anëtarët e Gjykatës Kushtetuese nuk e kanë kaluar vettingun, një proces është monitoruar nga shumë aktorë europian dhe të SHBA më duket se është e padrejtë dhe nuk do të ishte pozitive.”
