Thashethemet dhe aludimet e shumta në ditët e fundit në lidhje me çështjen “Skënderbeu në CAS” kanë marrë fund. Është vetë klubi korçar që përmes një postimi në rrjetet sociale, që ka sqaruar se përgjigja nga CAS për vendimin do të merret me datë 21 qershor.
Deri më këtë datë Skënderbeu bën apel për qetësi nga të gjithë aktorët e përfshirë.
Duke marrë shkas nga lajmet e përhapura në lidhje me vendimin e CAS, klubi bën me dije se çdo lajm i publikuar në median e shkruar, vizive dhe online është i pavërtetë.
Në korespodencën e fundit mes palëve, klubi është njoftuar se do të njihet me vendimin në datë 21 qershor. Ky është i vetmi informacion që disponon klubi në lidhje me çështjen. Çdo lloj lajmi tjetër është aludim…
Lutemi të prisni me qetësi datën 21 qershor dhe njoftimin zyrtar nga klubi në lidhje me vendimin.
Me respekt,
KF Skënderbeu
