Ish-sekretar i përgjithshëm i Partisë Demokratike Arben Ristani është paraqitur sot në Prokurori.
Pas rreth 60 minutash marrjeje në pyetje në organin e kuzës, Ristani ka folur përpara mediave duke u shprehur se ishte kërkuar provat nga kjo dosje dhe nuk i ishin dhënë.
Ristani tha se tha se ky është një proces i nxitur politikisht dhe se nuk kishte asnjë dokument me firmën e tij për dhënie apo marrje pagesash.
“U paraqita me ftesë të prokurorisë duke më marrë në pozicionin e të pandehurit.
U kërkova të më njohin me provat e dosjes, dhe nuk ka asnjë provë.
Nuk kam asnjë dokumentacion me firmë të nxjerrë nga PD apo zyra ime që të ketë të bëjë me dhënie a marrje pagesash.
Nuk kam pasur as kuriozitet për tu marrë me këtë pune, dhe nuk kam as dijeni, mund t’ju konfirmoj se çështja është e nxitur politikisht për të bërë pis PD dhe mua si ish titullar i kësaj partie.
Në këto kushte, e gjithë çështja ka tjetër qëllim.
Nuk më njohën me asnjë dokument, janë duke fluturuar në ajër.
Erdha një ditë pas thirrjes sepse kështu e vlerësova”, u shpreh ai.
