“U mërzit shumë”, aktorja e Portokallisë tregon situatën e sikletshme me rolin: Më ikën lekët

Aktorja e spektaklit të humorit “Portokalli” Delinda Disha njihet për disa role të spikatura në këtë shfaqje.

E ftuar në emisionin “Thumb” në ABC Neës ajo ka folur për situatat dhe sikletet që ka kaluar gjatë realizimit të roleve.

Ndër to ka vecuar një episod që i ka ndodhur në lidhje me interpretimin e rolit si psikologe dhe ka rrëfyer se kjo gjë nuk është pritur aspak mirë nga pedagogia e saj e psikologjisë.

“Unë sapo fillova Portokallinë kam pas bërë një socioterapiste, një personazh. Ishte e njohur në rrethin tonë artistik sepse unë imitoja një pedagoge tonë të Psikologjisë. Zysha u mërzit në fakt, u mërzit shumë. Nuk donte që ta vazhdoja! Po fakti që më mori prapë në telefon, ne u takuam, pimë kafe. Unë kam marrëdhëne shumë të mira tani. Ishte një dëshirë e saj që mos të vazhdonte më ky personazh. Pavarësisht se mua më ikën lekët. Ishte vetëm një dalje e parë në fillim të sezonit kur unë kam hyrë në “Portokalli””- është shprehur Delinda Disha në emisionin “Thumb”.