Shoferët e autobusëve të shkollave në Fier po përballen me një problem. Sipas tyre, mjetet që transportojnë nxënës nuk lejohen të hyjnë në qytet, e për këtë arsye gjobiten nga policia.
Ata paralajmërojnë se nëse bashkia nuk u siguron asnjë zgjedhje për këtë problem. Marrë shkas nga kjo situatë, ato thonë se të martën do të fikin automjetet dhe nuk do të dërgojnë asnjë fëmijë në shkollë. Ata thonë se kanë aplikuar për autorizme për t’u futur në qytetet në orare të caktuara, por nuk kanë marrë përgjigje.
“Nuk lejohen autobusat e nxënësve. Kanë muaj që na janë qepur, nuk thonë çfarë problemi kanë. Ne punojmë me të keq, me gjoba, ditë për ditë. Të martën nuk del asnjë makinë në rrugë.”
Sipas tyre, bëhet fjalë për të paktën 100 shoferë nga ndërmarrje të ndryshme të cilët kërkojnë zgjidhje.
“Duam orar që kur të marrim nxënësit të hyjmë e të dalim në qytet. Nuk na sqarojnë, vetëm vendosin gjoba. S’kemi asnjë përgjigje. Po na rëndon nafta, por edhe këta.”
