Arrestohet 20-vjeçari në Pogradec, kërcënoi tre të rinj

Një 20-vjeçar në Pogradec ka përfunduar në pranga pasi ka prishur qetësinë publike duke kërcënuar me armë zjarri tre të rinj. Bëhet e ditur se në pranga u vu shtetasi me iniciale E. Sh., 20 vjeç, banues në Pogradec, pasi ka kërcënuar me fjalë dhe me armë zjarri shtetasit me iniciale K. L., 26 vjeç; D. L., 22 vjeç dhe R. D., 33 vjeç, banues në fshatin Vërdovë, Pogradec.”

NJOFTIMI

“Specialistët për Hetimin e Krimeve në Komisariatin e Policisë Pogradec, bënë arrestimin në flagrancë për veprat penale “Kanosja”, “Prishja e qetësisë publike” dhe “Mbajtja pa leje dhe prodhimi i armëve, armëve shpërthyese dhe i municionit”, të shtetasit E. Sh., 20 vjeç, banues në Pogradec, pasi ky shtetas për motive të dobëta, ka prishur qetësinë publike dhe dyshohet se ka kanosur me fjalë dhe me armë zjarri tip pistoletë, shtetasit K. L., 26 vjeç; D. L., 22 vjeç dhe R. D., 33 vjeç, banues në fshatin Vërdovë, Pogradec.”