Përshkallëzohet protesta kundër rritjes së çmimeve në Tiranë.
Qytetarët e mbledhur para godinës së Kryeministrisë janë shpërndarë në arteriet kyçe të kryeqytetit, ku fillimisht kanë bllokuar Unazën e Vogël në të dyja krahët.
Mësohet se një pjesë e protestuesve do të shkojnë drejt Zogut të Zi ku do të bllokojnë dhe hyrjen kryesore për në kryeqytet.
Duket se protestuesit nuk janë bindur nga fjala e kryeministrit Rama, i cili deklaroi se duke filluar nga nesër shteti do të ndërhyjë tek kompanitë e tregtimit të naftës në vend, për të caktuar një marzh shumë të vogël fitimi, në mënyrë që të shmangen abuzimet dhe të mbrohen konsumatorët.
Një pjesë e protestuesve kanë shkuar gjithashtu përballë ambienteve të drejtorisë së policisë, për të protestuar në lidhje me shoqërimet e protestuesve të bëra ditën e djeshme.
Drejtuesit e mjeteve duket se kanë rënë dakord me protestuesit duke fikur makinat dhe duke u bërë pjesë e protestës.
