Pas paralajmërimit të kryeministrit Rama se do të hap një proces gjyqësor kundrejt gazetarit gjerman, Peter Tiede, ka ardhur reagimi i këtij të fundit.
Përmes një postimi në rrjetet sociale, Tiede shkruan se Rama nuk ka dëgjuar ndonjëherë për ndonjë qeveri të pavarur.
Më tej ai shkruan me ironi se Rama meqë është në Angli të marrë atje shembullin për prokurorët e pavarur dhe gjykatat reale dhe funksionale.
“Natyrisht, kreu i qeverisë së Shqipërisë ende nuk ka dëgjuar për drejtësi të pavarur: Tani Rama i kërkon prokurorit që të hetojë. Meqë ai është në Londër tani, Rama duhet të marrë një mësim atje, për prokurorët e pavarur dhe gjykatat reale dhe funksionale”, shkruan gazetari në rrjetin social.
