Pas përgjimeve të dyta të publikuara nga gazeta gjermane, Bild ka ardhur reagimi i Prokurorisë së Krimeve të Rënda.
Përmes një njoftimi të shpërndarë për mediet, Prokuroria bën me dije se ka filluar veprimet hetimore për verifikimin për dekonspirimin e këtyre dokumenteve.
Më tej ajo thotë se po bëhet verifikimi për të kuptuar autenticitetit të audiove të publikuara.
Njoftimi i plotë i Prokurorisë
“Nisur nga publikimet audio te bera sot me date 17.06.2019 ne gazetën gjermane “Bild”, Prokuroria e Krimeve të Rënda njofton se ka filluar veprimet hetimore për verifikimin e elementëve të veprës penale të “Zbulimit të akteve ose të dhënave sekrete” të parashikuar nga neni 295/a i K.Penal.
Po bëhet verifikimi me shpejtësi i të gjitha akteve hetimore dhe të CD-ve të përgjimeve me qëllim verifikimin e autenticitetit të audiove të publikuara.
Prokuroria e Krimeve të Rënda deklaron, se po ndjek me kujdes situatën e paprecedent të krijuar që ka cënuar rëndë imazhin e Prokurorisë Shqiptare dhe që është kryer në shkelje flagrante të ligjit.”
