LIGJET E BIZNESIT
Zbardhet vendimi zyrtar i Gjykatës së Apelit të Posaçëm Kundër Korrupsionit dhe Krimit të Organizuar, që u mor ndaj ish-ministrit të Brendshëm Saimir Tahiri.
Tashmë pritet që ai ti komunikohet palëve, të cilat do të vendosin nëse do të bëjnë apo jo rekurs në Gjykatën e Lartë.
Tahiri, priste vetëm zbardhjen e vendimit për t’ju drejtuar Gjykatës së Lartë, ndërsa SPAK pret të njihet me argumentet e Apelit, për të vendosur nëse do i bëjë apo jo rekurs, pasi prokuroria kërkoi dënimin e tij me 8 vite burg për trafik droge, e grup krimininal, ndërkohë që Tahiri u dënua për shpërdorim detyre.
Referuar vendimit të gjykatës që e shpalli atë fajtor ka prova që tregojnë një situatë marrëdhëniesh të qëndrueshme mes Saimir Tahirit dhe Moisi Habilaj.
Lidhja e qëndrueshme konfirmohet konkretisht jo vetëm me shitjen e automjetit ‘Audi’ por bëhet fjalë për shërbimet e vazhdueshme të kryera nga Artan dhe Moisi Habilaj, si automjeti ujor që u mor për riparim; përdorim i automjetit ‘Audi’ nga Tahiri dhe bashkëshortja e tij për disa raste edhe pse ishte shitur.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Udhëtimi në të njëjtën kohë vajtje-ardhje në Itali i Moisi Habilajt dhe babait të ish-ministrit, Bashkim Tahiri që konfirmon se familja e Tahiri dhe familja Habilaj ka pasur kontakte të qëndrueshme.
Gjykata e Posaçme thotë se mes Saimir Tahiri dhe Moisi Habilaj ka pasur marrëdhënie të qëndrueshme por se Tahiri nuk rezulton i përfshirë direkt në trafik droge.
Por për shkak të shpërdorimit të detyrës ka krijuar situatë të tillë që grupi Habilaj të ishte i lirë për të trafikuar tonelata drogë drejt Italisë.
Tahiri u dënua me 5 vite burg për shpërdorim detyre. Por për shkak të gjykimit të shkurtuar ai u dënua përfundimisht me 3 vite e 4 muaj burg.
