Merrni një moment për të imagjinuar veten pas 10 vitesh. A është personi që imagjinoni, në thelb, shumë i afërt me personin që jeni sot? Apo janë si të huaj?
Sipas një morie studimesh psikologjike nga dekada e fundit, përgjigjet e njerëzve shpesh ndryshojnë shumë – dhe përgjigjet e tyre zbulojnë gjëra befasuese për sjelljet.
Disa njerëz e imagjinojnë veten në të ardhmen në një mënyrë që lidhet me personin që janë sot. Këta njerëz priren të jenë më të përgjegjshëm me paratë e tyre dhe me etikë në trajtimin e të tjerëve; janë të prirur të veprojnë në një mënyrë që do ta bëjë jetën më të lehtë në vitet në vijim.
Shumë njerëz të tjerë përpiqen ta imagjinojnë veten në të ardhshmen si vazhdimësi e personit që janë sot dhe priren të jenë shumë më pak të përgjegjshëm me sjelljet. Ata e shohin veten në të ardhshmen si një person të veçantë që ka pak lidhje me identitetin e tyre aktual – dhe, si rezultat, janë shumë më pak të shqetësuar për pasojat afatgjata të veprimeve të tyre.
Sipas studimeve, ne duhet të mendojmë më shumë se kush do të jemi në të ardhmen – sepse kjo ka pasoja të thella për shëndetin, lumturinë dhe sigurinë tonë financiare. Mund të ushtroheni përmes një ushtrimi të thjeshtë imagjinar në të cilin i shkruani një letër vetes 20 vjet nga tani, duke përshkruar çfarë është më e rëndësishme për ju tani dhe planet për dekadat e ardhshme. Një veprim i tillë i inkurajon njerëzit të kenë një lidhje me veten e tyre të ardhshme – dhe, si rezultat, i nxit ata për ndryshime pozitive të sjelljes.
Mund të duket e çuditshme të filloni një “bisedë” me dikë imagjinar – por sapo vetja e ardhshme të bëhet e gjallë në mendjen tuaj, mund ta keni shumë më të lehtë të bëni sakrifica të vogla personale që janë thelbësore për të ruajtur mirëqenien. Dhe në vitet në vijim, do ta falënderoni veten për këtë mënyrë jetese.anabel
