Një 51 vjeçar shqiptar është vrarë barbarisht gjatë punës si roje nate në një kompani greke në Athinë.
Ngjarja e rëndë ndodhi rreth orës 02:30 të mëngjesit të sotem teksa një bandë hajdutësh thyen bravat e kompanisë greke në Koridhalo, kapën rojen e lidhën dhe e goditën në kokë disa herë.
Vajza e viktimës ishte ajo që shkoi menjëherë në vendngjarje pas një telefonate që bëri me të atin.
Ajo e gjeti babain të shtrirë në tokë, të lidhur dhe me shenja dhune dhe lajmëroi menjëherë policinë.
Fatkeqësisht, 51 vjeçari shqiptar humbi jetën sapo arriti në spital, ndërkohë që policia bën të ditur se veglat që vodhën grabitësit e që i morrën jetën rojes fatkeq kanë një kosto minimale, fare pak euro për të justifikuar një akt të tillë kriminal.
Hetimet vazhdojnë ndërsa identiteti i 51-vjeçarit shqiptar ende nuk bëhet i ditur.
