Një lokal është djegur nga zjarri në qytetin e Lezhës.
Bëhet me dije se ngjarja ka ndodhur në orët e para të mëngjesit të sotëm në një lokal në afërsi të tregut të qytetit i cili është në pronësi të shtetasit Tonin Brunga.
Dyshohet se shkak për zjarrin që ka përfshirë lokalin është bërë luhatja e tensionit që ka shkaktuar një shkëndijë elektrike.
Fatmirësisht nuk ka persona të lënduar po vetëm dëme të konsiderueshme materiale.
Zjarrëfikëset kanë shkuar menjëherë në vendngjarje duke bërë të mundur neutralizimin e flakëve që të mos përhapeshin në banesa apo biznese të tjera të zonës.
