Ish-banoren e “Big Brother VIP”, blogeren Sarah Berisha do të kemi mundësinë ta shohim si moderatore duke filluar nga 6 marsi.
Ajo do të drejtojë sezonin e ri të spektaklit të humorit “Kosherja”.
Së fundmi, Sarah ishte e ftuar në programin “Abc e Pasdites”, ku foli për herë të parë rreth ftesës.
Blogerja tha se ka qenë shumë e papritur për të dhe është këshilluar me të atin dhe partnerin e saj, DJ PM, me të cilin u njoh brenda shtëpisë më të famshme në Shqipëri.
“Telefonatën ma bëri Nada skenaristja, po bëja dush. Mendova se ishte posta. Më tha jam Nada, skenaristja e ‘Kosheres’, mendova se po bëja ndonjë personazh të ftuar. Më tha doja të bëja një propozim për moderimin e spektaklit dhe mbeta. Unë nuk është se kam ekperienca të mëhershme prandaj fola fillimisht me babin. Pastaj fola me PM që më tha: ‘Ke mbështetjen time për çdo gjë që do bësh”, u shpreh Sarah.
