Kryeqyteti i Ukrainës, Kievi, tashmë është i rrethuar nga të gjitha anët nga trupat ruse.
Të gjitha daljet janë të bllokuara, ndërsa raportohet se nuk ka mundësi evakuimi për civilët.
Alarmin e dha më herët edhe kryebashkiaku i Kievit, Vladimir Klitschko, i cili tha se kryeqyteti është i rrethuar nga forcat ruse.
Burime të pakonfirmuara kanë raportuar më herët për një urdhër të presidentit rus Vladimir Putin, i cili supozohet të ketë thënë se kërkon marrjen e Kievit me çdo kusht deri të hënën.
Ndërkohë më herët presidenti i ukrainas, Volodymyr Zelensky, tha në një deklaratë të shkurtër televizive se ai nuk pret shumë nga takimi që pritet të mbahet mëngjesin e së hënës me një delegacion rus, për një marrëveshje për zgjidhjen e konfliktit.
“Do të flas sinqerisht, si gjithmonë: Nuk besoj shumë se ky takim do të ketë rezultat, por le ta provojmë. Në mënyrë që asnjë qytetar i Ukrainës të mos ketë dyshime se unë, president i tyre, nuk u përpoqa të ndalojë luftën kur mund të ekzistonte qoftë edhe një shans i vogël”, tha Zelensky.
