“Po jetojmë në një epokë të rrezikshme” Alfred Cako tregon se çfarë fshihet mes luftës së Ukrainës dhe Rusisë

Konspiracionisti Alfred Cako njihet për deklaratat e tij të forta.

Ai së fundmi ka shpjeguar luftën që po ndodh mes Rusisë dhe Ukrainës.

Sipas Cakos, ky konflikt është i qëllimshëm, sikurse pandemia e C OVID19 dhe synon që të vriten sa më shumë njerëz. Konspiracionisti shton se po përgatitet revolucioni teknologjik për krijimin e njerëzve robotë.

“Po jetojmë në një epokë shumë të rrezikshme. Kjo e luftës është vazhdimi i plandemisë. Numër 2 mund ta quajmë. Mund të jetë kështu siç duket, por unë mendoj shumë pak vetëm 10%, ndërsa 90% mendoj se këta janë bashkë.

Mbasi u turpëruan me plandeminë dhe e panë që gjithë popujt e kuptuan të vërtetën dhe do të përballeshin me protesta të fuqishme, këta organizuan këtë plandeminë numër 2 që është akoma më e frikshme për t’i hedhur popujt kundër njëri-tjetrit për t’i grirë, për t’i vrarë për t’i masakruar. Të gjitha këto ndodhin gjithmonë në vende e zhvilluara industriale ku fillojnë revolucionet teknologjike. Ka filluar revolucioni teknologjik i krijimit të njerëzve robotë. Plani është si me plandeminë për depopullim. Të vriten sa më shumë njerëz, të vdesin nga vuajtjet nga uria, torturat për shkak të mungesës së banesave nga shkatërrimet e luftës, sa më shumë njerëz sa më shumë të jetë e mundur.”, shprehet Cako.