Inceneratorët/ PD: Vjedhja e miliona eurove, skemë e mirëorganizuar nga qeveritarë të korruptuar 

Partia Demokratike ka publikuar një tjetër video, teksa akuzon kryeministrin Edi Rama në lidhje me aferën e inceneratorëve.

Sipas Partisë Demokratike, kryeministri Rama dha miratimin e projektit edhe pse u njoftua se ishte në shkelje të ligjit.

Në vijim, Partia Demokratike shton se ish-ministri i financave u shkarkua pasi nuk pranoi të bëhej pjesë e kësaj afere. “Një ministër e emëron dhe shkarkon kryeministri, prandaj asgjë nuk është bërë pa dijeninë, mbështetjen dhe miratimin e Edi Ramës.”, shprehet PD.

Statusi:

Përmes nje skeme të mirëorganizuar të qeveritarëve të korruptuar, është planifikuar vjedhja e 430 milionë euro të buxhetit të shtetit me miratimin e Edi Ramës. Pasi edhe pse u njoftua se ky projekt ishte në shkelje të ligjit, ai prapë i dha miratimin.

Ministria e financave nën drejtimin e Canit refuzoi projektin:

– Nuk ka studim fizibiliteti, vlerësim financiar, Procedurë me negociim pa shpallje në kundërshtim me ligjin.

– Ish-ministri i financave u shkarkua se nuk pranoi të bëhej pjesë e kësaj afere. Një ministër e emëron dhe shkarkon kryeministri, prandaj asgjë nuk është bërë pa dijeninë, mbështetjen dhe miratimin e Edi Ramës.

– Ahmetaj miraton kontratën e kundërshtuar nga Cani.

– Ahmetaj lidhje të hershme me Mirel Mërtirin. Ka udhëtuar nga 2012-2019, 12 herë me pronarët e inceneratorëve.

Edi Rama është i korruptuar.

Qeveria e tij është e korruptuar.

Me këta në krye, Shqipëria nuk mund të ketë zhvillim.

Shqiptarët duhet ta braktisin të shkuarën dhe të korruptuarit!