Rrëfimi prekës: Raketat sulmonin, 5-vjeçarja i shpjegonte më të voglës luftën

Teksa ukrainasit e gjejnë veten përballë një sulmi të fortë rus, ajo që është e qartë është vendosmëria e tyre për të mbrojtur vendin. Një gazetar i huaj tregon se si 3 vajzat e tij po përballen me shpërthimin e luftës. Volodymyr Yermolenko tha për BBC Radio 5 Live se ishte i jashtëzakonshëm fakti se si dy më të vegjlit e tij, tre dhe pesë vjeç, dukej se kuptonin se çfarë po ndodhte rreth tyre.

Ai shprehet se një sulm me raketa e detyroi që të merrte vajzat e tij dhe të shkonin në një strehë nëntokësore.

“Aty pashë sesi e vajza 5 vjeçe po i shpjegonte më të voglës se çfarë është lufta. Ishte e jashtëzakonshme sepse kurrë nuk i thashë se çfarë është lufta, ajo disi e dinte, ndoshta nga kopshti, ndoshta nga bisedat tona me gruan time”, thotë gazetari.

Ai vijon më tej duke treguar se e pyeti vajzën e tij të madhe, adoleshente, nëse ishte e frikësuar dhe i ishte përgjigjur se nuk ishte.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern