U akuzuan për bashkëpunim me fisin Çapja, gjykata jep vendimin për Suela Mustën dhe anëtarët e tjerë të AMA

Gjykata ka dhënë sot vendimin për anëtaren e AMA, Suela Musta e cila u akuzua se ishte përfshirë në afera korruptive me fisin Çapja për dhënien e licensës së kabllorit televiziv.

Trupi gjykues ka dhënë masën e sigurisë ‘arrest shtëpie’ për gazetaren Musta, të kërkuar nga prokurori Sukaj.

Ndërkohë gjykata ka vendosur masën ‘arrest shtëpie edhe për Adem Boriçin, ndërsa për të gjithë të arrestuarit e tjerë të AMA-s është vendosur masa ‘arrest me burg’.

Mbi Suela Mustën dhe anëtarët e tjerë të AMA-s është ngritur akuza se i kanë dhënë një licensë kabllori fisit Çapja.

Të arrestuarit e tjerë punonjës të AMA-s:

Bledar Karaj, 39 vjeç, lindur dhe banues në Elbasan,

Ish-anëtari Andrea Nathanaili, 67 vjeç, lindur Sarandë dhe banues në Tiranë.

Izmir Hajdari, 51 vjeç, lindur dhe banues në Tiranë.

Artan Drazhi, 34 vjeç, lindur dhe banues në Elbasan,

Shkelqim Sula, 38 vjeç, lindur dhe banues në Labinot Mal-Elbasan, i cili u shpall në kërkim

Ervin Tahiri, 40 vjeç, lindur dhe banues në Tropojë.