Presidenti Ilir Meta ka mbledhur këtë pasdite Këshillin e Sigurisë Kombëtare.
Vendimi është marrë pas sulmeve ruse ndaj Ukrainës.
Mësohet se në takim po marrin pjesë kryeministri Edi Rama, ministrja Olta Xhaçka, ministri Mbrojtjes Niko Peleshi, kryetarja e Kuvendit Lindita Nikolla, Drejtori i Përgjithshëm i Policisë Gledis Nano dhe Drejtori i Shërbimit Informativ Shtetëror.
Kujtojmë që kjo mbledhje e presidentit me Këshillin e Sigurisë Kombëtare vjen pas sulmit të Rusisë herët në mëngjes mbi Ukrainën, ku deri më tani raportohet për disa të vdekur dhe dhjetëra të tjerë të plagosur.
Theksojmë se Këshilli i Sigurisë përbëhet nga 14 anëtarë dhe kryesohet nga Presidenti i Republikës. Anëtarët e tjerë të tij janë kryetari i Kuvendit, kryeministri, 7 ministra—i mbrojtjes, drejtësisë, punëve të brendshme, financave, transportit, punëve të jashtme dhe energjisë. Anëtarë e tjerë janë Kryetari i Komisionit parlamentar të Sigurisë Kombëtare, Drejtori i Shërbimit Informativ Shtetëror dhe Drejtori i Përgjithshëm i Policisë.
