Deputeti Tritan Shehu: Jemi të kërcënuar nga Rusia, të hartojmë një rezolutë

Deputeti demokrat Tritan Shehu në nisje të seancës plenare në Kuvend ka kërkuar ndryshim të rendit të ditës. Shehu kërkoi në Kuvend që të diskutohet sot për situatën në Ukrainë, e cila u pushtua nga Rusia.

Deputeti u shpreh se duhet të hartojnë një rezolutë, pasi Shqipëria është vend i NATO-s dhe rajoni është po ashtu i kërcënuar nga agresioni rus.

“Të ndryshojë rendi i ditës. Sot jemi përpara një agresioni të madh të demokracisë dhe vlerave në Evropë. Rrezikon padyshim edhe rajoni  tonë. Ky Kuvend, duhet të dalë sot me një rezolutë të qartë dhe të fortë, si parlament i një vendi të NATO-s dhe rajonit tonë që është i kërcënuar. Duhet të analizojë mirë marrëdhëniet midis vendeve dhe largimin nga influenca ruse. Ne duhet të diskutojmë së bashku për këtë situatë kaq të rëndë. Po të shikosh të gjitha parlamentet e vendeve evropiane po diskutojnë këtë çështje. Nuk duhet të rrimë pasiv në një agresion të tillë  sepse jemi vend i NATO”, tha Shehu.