Presidenti i Ukrainës mesazh popullit: Po marr mbështetje, bota është me ne!

Presidenti i Ukrainës, Volodymyr Zelenskyy, i është drejtuar popullit me një videomesazh në Fb para pak minutash: “Do t’ju informoj çdo orë informacion përkatës dhe të besueshëm”, shkruan ai dhe i drejtohet popullit ukrainas dhe komunitetit ndërkombëtar.

Nga ana tjetër në Twitter ai njofton se po vazhdon negociatat me liderët ndërkombëtarë dhe po merr mbështetje: Mora mbështetje nga Emiri i Katarit Tamim Bin Hamad. Bota është me ne.”

Më herët në mëngjes, ai shkroi në Twitter se kishte folur me Presidentin e SHBA Joe Biden, kryeministrin e Mbretërisë së Bashkuar Boris Johnson, kancelarin gjerman Olaf Scholz, presidentin e Këshillit Evropian Charles Michel dhe presidentin polak Andrzej Duda.