LIGJET E BIZNESIT
8 autobusë të nisur nga Shqipëria drejt Kosovës janë bllokuar mëngjesin e kësaj të shtune në doganën e Morinës. Mësohet se janë autobusët që nuk janë lejuar të kalojnë në Kosovë prej doganës së Morinës për më shumë se 4 orë.
Arsyeja e këtij bllokimi vjen pas një urdhri të ministrisë kosovare të Transportit. Kjo e fundit ka urdhëruar ndalimin e hyrjes së këtyre autobusëve në Kosovë për shkak se nuk plotësojnë kushtet e kërkuara në kontratë.
Gjithsesi ende nuk janë shumë ta qarta rrethanat e kësaj ngjarje, teksa mësohet se në mjetet e bllokuara ka fëmijë që prej disa orësh po qëndrojnë temperatura të larta.
Sakaq, Rifat Hajdini, kreu i shoqatës së transportit publik të linjave Bajram Curri-Kosovë-Tiranë thotë se nuk kanë qenë në dijeni të këtij urdhri të ministrisë kosovare dhe iu bën apel dy qeverive që të gjejnë zgjidhjen e situatës sa më shpejt.
Lidhur me këtë situatë të pakëndëshme, ka ardhur reagimi i ministrit të Infrastrukturës dhe Transportit, Pal Lekaj që ka deklaruar se arsyeja që autobusëve iu është ndaluar kalimi në pikën kufitare në Morinë, është keqpërdorimi i lejes nga operatorët e Shqipërisë.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Lekaj ka thënë se pezullimi do të vazhdojë deri në takim të komisioneve teknike nga të dyja shtetet.
“Operatorët nga Shqipëria kanë poseduar leje nga Ministria e Infrastrukturës dhe Transportit, për kalim nëpër territorin e Kosovës vetëm tranzit. Por kjo leje është keqpërdorur në vazhdimësi, autobusët kanë ndaluar edhe nëpër stacionet e Kosovës për të marrë udhëtarë, prandaj departamenti përkatës në MIT, ka pezulluar këtë leje. Pezullimi do të vazhdojë deri në takim të komisioneve teknike nga të dyja shtetet, për shqyrtim”
