“Po ta punojnë pas shpine” Do iu shemben shtëpitë, banorët dalin në protestë dhe kanë një thirrje për Ramën

Pas banorëve të Paskuqanit, Laprakës, zonës së “5 Majit” në Tiranë, edhe banorët e ‘Kodrës së Priftit’ janë ngritur sot në protestë kundër projektit të Unazës.

Ata shprehen se janë pronarë të banesave, të cilat i kanë ndërtuar prej shumë vitesh dhe tani ju kanë shkruar letra, ku kërkohet që ti lirojnë.

Banori: Edhe një injorant e kupton, që bëhen studime, pastaj bëhet projekti.

Banorja: Kam 26 vite që e kam ndërtuar shtëpinë, letra më vjen para dy javësh, ku më thonë se nuk të legalizohet shtëpia, se do të bëhet Unaza. Pse na mbajtën 26 vite? Na mashtruan, na gënjyen. Kam 26 vite pronare e shtëpisë dhe sot nuk njihem, na nxjerrin jashtë. Jemi tre familje, taksat i kemi paguar vit për vit. Ku të shkojmë? A ndërtoj dot në këtë moshë shtëpi, jam 65 vjeçe. Jemi bërë me depresion, po shkatërrohemi, nuk flemë tërë natën. Është një “peshk i madh” këtu, që do të ngrejë vila. Ai na mund neve.

Banori: Edo shiko se dikush po ta punon pas shpine. Nuk e di kush, por ndonjë lepurush apo urith në oborret e tua është duke bërë popullin të vuajë. Unë e kam mik kryeministrin, kam komunikuar përmes email-eve me të.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern