Studentja apel Ramës nga Londra: Mos e mbyllni Fondin e Ekselencës

Qeveria pritet që të mbyll Fondin e Ekselencës për studentët që arsimohen jashtë vendit. Sipas kryeministrit Rama, buxheti i shtetit ka ofruar miliona euro të cilat kanl shkuar dëmë pasi studentët që arsimohen në universitetet më të mira të botës, nuk kthehen më në Shqipëri çër të punuar.

Rea Tresa është një studente që po arsimohet në Imperial College London, në degën e bioinxhinieri molekulare. Lajmi se Shqipëria do të mbyll financimi për vitet e ardhshme nuk i ka pëlqyer pasi mendon se ky është një investim dhe mundësi që të rinjve nuk duhet t’iu mohohet. Ajo mendon madje të rikthehet në Shqipëri për të kontribuuar në rritjen e cilësisë akademike e profesionale në vend.

“Fondi i Ekselencës është një mundësi e artë për çdo të ri. Duke qenë se familjet shqiptare nuk kanë të ardhura sa të përballojnë shpenzimet e arsimimit në Europë apo SHBA, atëherë fondi është një mundësi e mirë. Duhet të jetë i hapur edhe i mundur për brezat e tjerë. Unë do të rikthehem pasi kam një detyrim ligjor dhe moral ndaj Shqipërisë, pasi bioinxhinieria molekulare do ndihmojë në Kërkimin Shkencor dhe shumë aspekte në fushën e mjeksisë”-tha ajo për A2 CNN.