Elbasan, përplasen dy makina/ Përfundon në spital shoferja dhe pasagjerja

Një aksident ka ndodhur mesditën e sotme në aksin rrugor Elbasan-Peqin, ku si pasojë janë plagosur 2 persona.

Në aksident është përfshirë automjeti tip “Volvo” me drejtues shtetasin R. Q., me automjetin tip “Benz” me drejtuese shtetasen V. S. dhe automjetin tip “Toyota” me drejtues shtetasin A. Zh.

Si pasojë e aksidentit janë dëmtuar drejtuesja e mjetit “Benz” dhe pasagjerja në automjetin tip “Toyota“, të cilat ndodhet në Spitalin Rajonal Elbasan, jashtë rrezikut për jetën.

Grupi hetimor ndodhet në vendngjarje dhe po punon për sqarimin e rrethanave të aksidentit.