‘Skifterët’ bëjnë namin në natën e shenjtë në Laç, vidhen më shumë se 50 makina

Grabitësit nuk njohin as ditë të shenjtë dhe as momente pelegrinazhi për të kryer aktet e tyre. E tillë është edhe rasti i natës së 12 qershorit që shumë besimtarë i ka gjetur në Kishën e Laçit për të kryer pelegrinazhin e përvitshëm.

Policia kishte shtuar masat e sigurisë, duke parashikuar kështu fluksin, megjithatë duket se incidentet nuk janë shmangur dot.

Edhe pse jo nga burime jo zyrtare, bëhet me dije se mbrëmjen e 12 qershorit janë grabitur më shumë se 50 makina të parkuara.

Vizitorët i kishin parkuar makinat në qytet për të vijuar në këmbë pelegrinazhin drejt Kishës së Laçit, por kur janë kthyer nuk i kanë gjetur mjetet e tyre. Mësohet se pjesa më e madhe e mjeteve të grabitura kanë qenë të shtrenjta.