Tragjike/ Humbin jetën 13 persona teksa po ndiqnin ceremoninë e martesës

Të paktën 13 persona kanë humbur jetën pasi kanë rënë në një pus gjatë një ceremonie martese në shtetin verior të Indisë Uttar Pradesh.

Policia tha se viktimat ishin gra dhe fëmijë, të cilët ishin ulur në një pllakë metalike që mbulonte pusin, në momentin kur u shemb. Dy persona të tjerë kanë mbetur të plagosur nga aksidenti i ndodhur në rrethin Kushinagar, shkruan BBC.

Tragjedia ndodhi mbrëmjen e së mërkurës gjatë ceremonisë tradicionale “haldi”, në të cilën të afërmit vendosin pastë me shafran të Indisë në fytyrën e nuses dhe dhëndrit si një shenjë e begatisë.