Përmbyten disa rajone/ Stuhi e fuqishme dhe erëra në Gjermani, meteorologët lëshojnë alarmin

Disa rajone të Gjermanisë janë përfshirë nga një stuhi e fuqishme dhe erëra që kapin shpejtësinë 152 km/orë.

Aeroporti i Hamburgut gati është mbyllur, ndërsa në atë të Frankfurtit janë ndërprerë shumë fluturime.

Mësohet se Lufthansa anulloi 20 fluturime, dhe tha se disa të tjerë pritet të kenë vonesa.

Në shumë rajone hekurudhat janë bllokuar për shkak të pemeve të rrëzuar, e ne disa zona ka edhe ndërprerje të energjisë elektrike.

Dëmet materiale nga stuhia Ylenia ende nuk janë llogaritur, por priten të jenë të mëdha. Autoritetet kanë bërë thirrje që njerëzit, nëse munden të qëndrojnë në shtëpi e për cdo rast, t`i largohen skelave apo linjave të tensionit të lartë.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern

Ekipet e emergjences kanë qenë në shërbim gjatë gjithë natës. Në landin Renania Veriore-Vestfali sot janë mbyllur shkollat.

Gjatë ditës priten reshje të mëdha shiu, ndërsa mbrëmjen e së shtunës, sipas metereologëve, mund të ketë një tjetër përkeqësim të kushteve atmosferike ne veri dhe në rajonet qendrore të Gjermanisë.