Gjykata Kushtetuese kundër shkarkimit të Metës, vjen reagimi i ambasadës së SHBA

Pas vendimit të dhënë nga Gjykata Kushtetuese për të mos shkarkuar presidentiin Ilir Meta me kërkesë të Kuvendit, ka ardhur dhe reagimi i ambasadës së SHBA në Tiranë.

Ky institucion shprehet se gjykata po tregon aftësinë për të përmbushur funksionet e saj.

Reagimi i plotë i Ambasadës së SHBA:

Gjykata Kushtetuese e Shqipërisë, e cila u bë funksionale në dhjetor të vitit 2020, po demonstron aftësinë për të përmbushur funksionin e saj parësor dhe thelbësor duke shqyrtuar faktet dhe argumentet e paraqitura nga palët përkatëse, duke diskutuar mbi këto fakte dhe argumente në bazë të Kushtetutës dhe duke dhënë vendime që pasqyrojnë pavarësi dhe integritet.

Shtetet e Bashkuara mbështesin fuqimisht zbatimin e reformës në drejtësi, përfshi një gjyqësor profesional, të pavarur, si institucion thelbësor për të garantuar shtetin ligjor, si dhe ndarjen dhe balancimin e pushteteve.

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern