Në një kohë kur të teknologjia ka avancuar, dhe mbjellja e flokëve është një nga procedurat më të përhapura estetike, moderatori i njohur Blendi Fevziu ka zgjedhur që të mos ‘joshet’, për ndryshim në pamjen e tij.
Fevziu tha se një miku i tij i kishte propozuar që të kryente një ndërhyrje për mbjelljen e flokëve, propozim që kishte shkaktuar jo pak të qeshura tek ai.
“As që e kam menduar fare. Madje, para ca kohësh isha duke u kthyer nga Kosova, më merr një miku ynë që del përditë në televizor e më thotë “dëgjo, kemi një specialist shumë të famshëm grek që merret me mbjelljen e flokëve dhe do të gjejë një figurë publike, t’ia bëjë si dhuratë, t’ia mbjellë.
I thashë “shiko, nuk ka problem, po të jap unë dy-tre emra”. “Jo, donte me ty”, tha, “jo, faleminderit më lër rehat”, i thashë. S’më ka shqetësuar kurrë, as e kam menduar ndonjëherë”, është shprehur moderatori, i cili nga ana tjetër, ka treguar se bën humor me pamjen e tij, duke shpërndarë edhe meme ku shfaqet me flokë të gjata.
