Dje kryeministri Edi Rama u shpreh se nëse SHBA do të loboheshin dhe influencoheshin kaq kollaj, do të ishin prej vitesh peng i diktaturave e regjimeve që kanë pasuri marramendëse.
Kjo deklaratë erdhi pasi kreu i qeverisë u pyet në lidhje me shpalljen non-grata të paraardhësit të tij Sali Berisha.
Rama tha se vendime të tilla merren me procese të mirëpërcaktuara dhe nuk kanë asnjë lidhje me faktorë të jashtëm.
Mirëpo në lidhje me këtë deklaratë të Ramës, ka ardhur një reagim i fortë nga aktivistja shqiptaro-amerikane Evi Kokalari.
“Amerika është marrë peng nga ‘Party of Davos’, po i njëjti llum që të bëri ty Kryeminister.
Ti në çfarë realiteti jeton Edi Rama, apo thjeshtë i konsideron Shqiptarët inferior nga intelekti që mund t’i hajnë këto pallavra.
Jepi pak kohë e do ti shohim sa qëndrojnë këto që thua.
Realiteti i vetëm është që as ti në Shqipëri dhe as Blinken në Amerikë s’keni kredibilitet.”, shkruan Kokalari.
