Zbulohen lidhjet me spiunazhin rus të këshilltarit të kryeministrit, cili është reagimi i Ramës?

Një nga temat më të diskutuara në kohët e fundit në politikën shqiptare është lidhja me spiunazhin rus. Opozita dhe më veçanërisht lideri i saj, Lulzim Basha ka qenë më fortë i akuzuar dhe së fundmi Prokuroria ka nisur një hetim ndaj tij. Por duket se lidhjet e politikës shqiptare nuk janë vetëm në krahun e djathtë, por edhe nga e majta, madje në kupolën e saj në godinën e kryeministrisë.

Bëhet fjalë për këshilltarin e Sigurisë të kryeministrit Rama, Gjeneral Maksim Malaj, i cili sipas disa burimeve të syri.net, rezulton të jetë i lidhur me shërbimet sekrete ruse. Malaj rezulton se ka mbajtur lidhje si bashkëpunëtor me shërbimet ruse duke shkëmbyer informacione në lidhje me objektin e punës së QOND, përfshirë edhe lëvizjen e anijeve të NATO-s.

Maksim Malaj ish-Shef i Shtabit të Përgjithshëm të Forcave të Armatosura, më vonë i emëruar Shef i Qendrës Ndërinstitucionale Operacionale Detare (QNOD), më pas Prefekt i Qarkut Elbasan dhe aktualisht mban pozicionin si Këshilltar i Kryeministrit, Edi Rama për Sigurinë Kombëtare.

Takimet e interceptuara nga shërbimet partnere dhe ato vendase, mësohet se janë zhvilluar kryesisht tek restorant ‘Dreri’ në kryeqytet, tek Liqeni Artificial.

Në shkëmbim të kësaj detyre, raportojnë shërbimet inteligjente, Malaj është shpërblyer me dhurata dhe të holla. Në dijeni të kësaj veprimtarie spiunazhi të tij është edhe ish-ministrja e Mbrojtjes, Mimi Kodheli. Në këtë pikë mbetet shumë e diskutueshme nëse kryeministri Edi Rama është i informuar se këshilltari i tij të Sigurisë ka raporte negative nga shërbimet partnere dhe a e ka informuar kryeministrin, ish-ministrja e Mbrojtjes?

🎙️ Podcast “Money Hour” | Fast News Economy

🏛️ LIGJET E BIZNESIT–Ligji në Kohë Reale për Biznesin Modern