LIGJET E BIZNESIT
Presidenti i Republikës Ilir Meta në një dalje sot përpara gazetarëve ka komentuar rezolutën kundër dekretit të tij për të anuluar zgjedhjet vendore të 30 qershorit.
Gjatë fjalës së tij presidenti Meta ka thënë se Shqipëria ka nevojë për zgjedhje të lira e të ndershme dhe se do të ketë pasoja për të gjithë ata që provokojnë paqen sociale.
Presidenti është zgjedhur nga parlamenti, e jo nga ky parlament ilegjitim.
“Shqipëria është republikë, presidenti i takon republikës, dhe republika iu takon vetëm qytetarëve. Po punoj me qetësi dhe përgjegjësi. Dekreti është në fuqi, presidenti mban shënim çdo institucion që shkel ligjin. Dekreti mund të gjykohet dhe nga gjykata e Skraparit. Presidenti nuk ndalon askënd të çmendet. Por presidenti bën thirrje të ndalojmë cdo të çmendur. Shqipëria ka nevojë për zgjedhje të lira e të ndershme. Dekreti është në fuqi, i zbatueshëm dhe i detyrueshëm për të gjithë. Presidenti ka të drejtë çdo ditë të bëjë thirrje për reflektim. Do kenë pasoja të gjithë ata që do provokojnë paqen sociale.”, u shpreh Meta gjatë fjalës së tij.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
