Lajmi se prokuroria do të marrë të pandehur kryetarin e Partisë Demokratike Lulzim Basha, është diskutuar edhe gjatë takimit që kryeministri Rama ka zhvilluar ditën e sotme me banorët e njësisë nr.11, ku ka qenë i pranishëm kreu i komisionit të ligjeve Ulsi Manja dhe kryetari i Bashkisë së Tiranës Erion Veliaj.
Gjatë bisedës Rama ka thënë se nuk kishte informacion për këtë lajm, ndërkohë që Manja e ka sqaruar.
“Po është pastrim parash i pastër ia, minimumi pastrim parash , imagjino ta kishim bo ne se cfarë do kishte ndodhur”- tha Rama.
BISEDA
Rama: Po çfarë prokuroria, se më thanë që ishte ngritur e kishte thënë…
Manja: Po dhe më e bukura se dje më kishte përmendur mua për dosjen 184, si mund ti besoni atij i thashë, se unë nuk jam marrë ala i pandehur edhe flet për ne
Rama: Po pse është marrë i pandehur tani?
Manja: Po po
Rama: Po cfarë është akuza se nuk e kam pa
Manja: Po është për falsifikim formulari dhe pastrim parash
Rama: Po është pastrim parash i pastër ia, minimumi pastrim parash , imagjino ta kishim bo ne se cfarë do kishte ndodhur
Manja: Kushedi ku do ishim
Veliaj: Do ishim ekzekutuar
Rama: Më kishte shkruar njëri një të bukur në Facebook thoshte se “Luli ekperiment i Rusisë, për të parë deri në çfarë pike mund ta duroj mileti një njeri kot pa u çmend.
Veliaj: Ty të vjen kush për vaki hedh 10 mijë lekë dhe e mban mend, ty të fusin miliona në logari dhe nuk e mbake mend
Manja: Është e qëllimshme, nuk i kanë raportuar
Rama: Nuk është punë raportimi, por duhet të tregojnë nga i kanë nxjerrë. U mblodhën 100 bamirës në Nju Jork për të mbështetur gjemniun e zhvillimit dhe nuk i njeh.
