Në fjalën e tij përpara deputetëve në parlament kryeministri Edi Rama ka treguar arsyen se përse votoi Ilir Metën për president.
‘Ilir Meta u zgjodh president me votat e tij dhe votat tona mund ta pengonin zgjedhjen e tij po nuk mjaftonin për të zgjedhur një president pa Ilir Metën’, u shpreh Rama.
Më pas kryeministri shtoi se Meta tashmë e ka humbur të drejtën të qëndrojë në zyrën e presidentit pa pëlqimin e tyre.
‘E kam votuar Ilir Metën si president i Republikës së Shqipërisë, gjithkush në këtë sallë që ishte njësoj si unë këtu ka bërë të njëjtën gjë.
Shumëkush më ka kritikuar në rrjetin tim social vazhdmisht më zhdëpin për zgjedhjen e tij, jo pak më kanë mallkuar dhe sa shfaqet Iliri me ndonjë nga paudhësitë e veta më përvishen mua të gjithë.
Nuk jam penduar, po të ktheheshim mbrapsht në kohë do bëja të njëjtën gjë, për shumë arsye. Por se do ta kthente këtë zgjedhje për të udhëhequr një plan çoroditës të orkestuar bashëk me Saliun këtë se kisha imagjinuar. Ka kaluar tej çdo imagjinate, nuk mund të tolerohet. Meta e ka humbur të drejtën të qendrojë në zyrën e presidentit me pëlqimin tonë’, u shpreh Rama.
