Vranë kreun e njësisë Kotë gjatë sherrit për pronat, kush janë tre të arrestuarit

Policia e Vlorës ka zbardhur sot ngjarjen e rëndë dje në Selenicë të Vlorës ku mbeti i vrarë kreu i njësisë Kote, Argjil Gjoka.

Mëngjesin e sotëm, policia ka arrestuar tre autorët e dyshuar dhe ka shpallur në kërkim një tjetër.

Tre të arrestuarit janë Arif Bejtaj, 19 vjeç , Jaç e Bejtaj 22 vjeç dhe Namik Bejtaj, 30 vjeç .

Në kërkim është shpallur Mersin Bejtaj 32 vjec.

Tre personat e arrestuar kanë qenë duke u konfliktuar për ç eshtje pronësie dhe kanë tentuar të vrasin me armë zjarri dy vëllezërit F.O dhe A.O përkatësisht 65 dhe 70 vjeç , por pasi kreu i njësisë administrative Argjil Gjoka ka ndërhyrë për të shuar sherrin, ai ka marrë një plumb në gjoks i cili i ka marrë atij jetën.

NJOFTIMI ZYRTAR I POLICISE

Arrestohen në flagrancë 3 shtetas, shpallet në kërkim 1 tjetër.

Më datë 11.06.2019, rreth orës 14:20, në fshatin Petë të Selenicës, pas një konflikti me armë zjarri midis disa personave, janë plagosur shtetasit A. B., 19 vjeç dhe A. Gj., 51 vjeç, ku si pasojë ky i fundit ka humbur jetën në Spitalin e Vlorës.

Pas hetimeve të kryera, dëshmive dhe provave të administruara, Policia ka zbardhur ngjarjen, duke vënë para përgjegjësisë penale autorët e dyshuar:

N.B., 30 vjeç (arrestuar).
• J.B., 22 vjeç (arrestuar).
• A.B., 19 vjeç (arrestuar).
Të tre këta shtetas janë me banim në fshatin Mavrovë.

Gjithashtu është shpallur në kërkim shtetasi M .P. (B), 32 vjeç, banues në Vlorë dhe po punohet për kapjen e tij.

Këta shtetas në bashkëpunim me njëri-tjetrin për motive të dobëta kanë tentuar të vrasin me armë zjarri tip pistoletë dy vëllezërit F. O. dhe A. O., (70 dhe 65 vjeç), por pas ndërhyrjes për të shuar konfliktin humbi jetën Kryetari i Njësisë Administrative Kotë, shtetasi A. Gj.

Materialet në ngarkim të këtyre shtetasve iu referuan Prokurorisë, për veprat penale “Vrasja në rrethana të tjera cilësuese” kryer në bashkëpunim dhe “Mbajtja pa leje e armëve dhe municioneve luftarake”.