Ishin shumë afër shtëpisë së Erdogan/ Arrestohet çifti i sapomartuar izraelit, ja çfarë ndodhi

Forcat e sigurisë në Stamboll kanë arrestuar një çift burrë e grua nga Izraeli.

Ata ranë në pranga pasi fotografuan rezidencën e presidentit të Turqisë, Rexhep Tayip Erdogan.

Çifti i të sapomartuarve tashmë është vënë nën akuzë për “spiunazh politik dhe ushtarak”. Bashkë me ta është arrestuar edhe një shtetas turk.

Arrestimi erdhi pas njoftimit të autoriteteve nga një punonjës i cili punon në kullën e radios televizive Camlica në anën aziatike të Stambollit.

Pak ditë më parë, autoritetet ndaluan dhjetëra persona të tjerë të cilët kishin hedhur dyshime në rrjetet sociale për gjendjen shëndetësore të presidentit Erdogan.