Goditet banda internacionale, në pranga 17 trafikantë, mes tyre 8 shqiptare

Një nga organizatat kriminale me të mëdha dhe një fushë veprimi shumë të gjerë në Itali është goditur nga policia e vendit fqinj këtë të martë. Si rezultat kanë rënë në pranga 17 vetë, mes të cilëve 8 ishin shqiptarë.

Mediet përtej Adriatikut bëjnë me dije se karabinierët kishin konfiskuar një sasi droge të dërguar me postë dhe pikërisht nga të dhënat e transportit, filluan hetimet dhe u arrit të rindërtohej rruga e trafikut të drogës nga Shqipëria drejt krahinave të Trentos.

Mësohet se droga  blihej nga Evropa veriore, kalonte nëpër Shqipëri dhe baza logjistike u vendos në Breshia. Çdo gjë ishte drejtuar nga një 34 vjeçar, i është nuk u arrit që të kapej dhe tashmë është shpallur në kërkim.

Droga e hedhur në treg ishte e cilësisë së lartë dhe për këtë arsye shitej me çmim të konsiderueshëm: 100 euro për një gram kokainë dhe me ulje minimale, vetëm në rastin e blerjeve të mëdha.