Pa u publikuar zyrtarisht, klipi më i ri i Butrintit “KUKU” u bë hit në TikTok, gjë që tregonte se kënga në fjalë do të arrinte një sukses të jashtëzakonshëm. Një ditë më parë, kënga ishte nr.1 në YouTube në Shqipëri, Austri, Zvicër. Gjermani dhe Maqedoninë e Veriut, ndërsa në Itali ndodhet në vendin e katërt.
“Dje u publikua në Spotify, sot mbi 500,000 streams! Ky është një tjetër rekord personal, duke u marr parasysh që ende kjo platformë nuk ka shumë përdorues shqiptar dhe është në rritje e sipër tek tregu ynë! Ju falënderoj nga zemra.”-shkroi Butrinti në rrjete sociale.
Mirëpo, ajo që u vu re ishte videoklipi i këngës, i cili u pëlqye mjaft nga publiku, mirëpo një pjesë e tij nuk ka kaluar pa u komentuar. Një skenë në të cilin Butrinti duket se godet modelen e cila në klip është në rolin e të dashurës së tij, bëri që këngëtari ta largojë nga Youtube këtë pjesë pas komenteve që mori. Megjithatë, ky projekt muzikor arriti të korrë një sukses mjaft të madh në një kohë shumë të shkurtër. Butrint Imeri është një nga këngëtarët më të njohur e suksesshëm dhe ka fansat më të zjarrtë në trojet shqiptare. Ai është kthyer në këngëtarin e preferuar të viteve të fundit dhe e gjithë kjo falë punës së tij.
