Drejtori i ri i Policisë, Lala: Gledis Nano në pozita të shëndosha me amerikanët

Pas largimit të Ardi Veliut nga drejtimi i Policisë së Shtetit, një emër që qarkulloi në media për zëvendësimin e tij ishte ai i Shefit të Antiterrorit Gledis Nano. E pyetur lidhur me këtë argument, gazetarja Klodiana Lala, tha se Nano është një profil që gëzon mbështetje edhe nga partnerët ndërkombëtarë.

“Sa ai përket emrave të rinj kanë qarkulluar disa prej tyre. Emri i Gledis Nanos Shefi i Antiterrorit, është një njeri me integritet. Fakti që u mbështet nga amerikanët e vuri në pozita të shëndosha me partnerët ndërkombëtarë. Në këtë sens e shoh si kandidat të mundshëm”, u shpreh gazetarja.

Lala tha se megjithatë një tjetër kandidat është edhe Edmond Rizaj. “Ka dhe emra të tjerë, është emri i Edmond Rizait që është gjithashtu një reputacion i jashtëzakonshëm në polici. Refuzoj të jap emra të tjerë sepse këta të dy janë kandidatura të mjaftueshme për të zgjedhur mes tyre dhe për ta bërë policinë të aftë”, u shpreh Lala./Opinion.al