“Jam përpjekur të jap më të mirën time” Dorëhiqet Ardi Veliu, Rama bën publike letrën

Dorëhiqet drejtori i Policisë së Shtetit Ardi Veliu.

Ka qenë kryeministri Edi Rama i cili ka publikuar letrën e dorëheqjes, duke bërë dhe një falenderim për të.

Kujtojmë se kjo është hera e dytë që Rama nxjerr letrat e dorëheqjes së vartësve të tij, pas asaj të Najada Çomos.

“Me konsideratën më të lartë për ndershmërinë, profesionalizmin dhe përkushtimin e posaçëm të Drejtorit të Përgjithshëm të Policisë së Shtetit, Ardi Veliu, dhe me bindjen se ai ka akoma shumë për t’i dhënë shtetit në detyra të tjera, e falenderoj nga zemra për kontributin e vyer”, shkruan Rama.