LIGJET E BIZNESIT
Ardi Veliu është larguar pas tre vitesh nga posti i Drejtorit të Përgjithshëm i Policisë së Shtetit.
Ai ka dhënë formalisht dorëheqjen për arsye që ende mbeten të paqarta.
Emri më i përfolur deri më tani për ta zëvendësuar është shefi aktual i Antiterrorit, Gledis Nano.
Gazetarja Anduena Llabani tha se ky lajm kishte kohë që “ziente” dhe nuk ishte i panjohur. E pyetur për arsyet e largimit nga detyra, gazetarja tha se ka disa elementë që kanë ndikuar, ndërkohë që theksoi se mund të mos lidhet me ngjarjet, por me detyra të tjera që Veliu mund të marrë nga qeveria.
“Lajm i fundit, por i njohur për ne, lëvizja dhe jo shkarkimi do thoja. Ai e ka marrë këtë detyrë në 2018-ën. Ka disa elementë që e kanë detyruar kryeministrin në ndryshimet e fundit në disa rrethe të Tiranës bënë që situata të ndryshonte. Gledis Nano është ai që pritet të zëvendësojë në detyrë Veliun. Ka qenë koha për tu bërë por kjo është një gjë që zien prej kohësh. Ndoshta nuk lidhet me ngjarjet por me pozicion tjetër të Veliu në detyra të tjera qeveritare”, tha Llabani për MCN Tv.
