Deputetët e opozitës e pyetën sot ministrin e Brendshëm Bledi Çuçi në Komisonin e Sigurisë Kombëtare për shkarkimin e Drejtorit të Përgjithshëm të Policisë së Shtetit, Ardi Veliu.
Lajmi u dha nga mediat, por burimet zyrtare nga qeveria ende nuk e kanë konfirmuar.
Dërkohë deputeti i Partisë Demokratike Luan Baçi pyeti ministrin e Brendshëm në Komisionin e Sigurisë Kombëtare, nëse është shkarkuar apo jo Ardi Veliu.
Por ministri Çuçi as nuk e pohoi, por dhe as nuk e mohoi, duke dhënë një përgjigje evazive.
“Do e merrni vesh në momentin e duhur. Kur t‘i mbaroj kandili.”- tha Çuçi.
Pjesë nda diskutimet në mbledhje
Luan Baçi: Përfitoj nga rasti që jemi me Ministrin e Brendshëm ta pyes për një lajm që po qarkullon në media mbi shkarkimin e Drejtorit të Përgjithshëm të policisë Ardi Veliu. Megjithëse nga kryeministri varet ajo punë, mund t‘iu pyes a është i vërtetë lajmi apo jo?
Bledi Çuçi: Do e merrni vesh në momentin e duhur. Kur t‘i mbaroj kandili!
