LIGJET E BIZNESIT
Shkarkohet nga posti Drejtori i Përgjithshëm i Policisë së Shtetit Ardi Veliu.
Ende nuk ka një njoftim zyrtar, ndërkohë mediat informojnë se ai u shkarkua nga posti i rëndësishëm që mbante pas afatit 100 ditor që i kishte vënë kryeministri Edi Rama.
Kujtojmë se ky vendim vjen pas një sërë ngjarjesh të rënda kriminale që kanë tronditur vendin.
Më e rënda është vrasja e oficerit të krimeve në Lezhë, Saimir Hoxhës.
Edhe një natë më parë, Shqipëria u godit nga krimi, pasi dy persona u ekzekutuan gjatë një atentati në Elbasan.
🎙️ Podcast “Money Hour” | Fast News Economy
🏛️ LIGJET E BIZNESIT–Ligji në Kohë Reale për Biznesin Modern
Ata u identifikuan si shtetasit Ardian Çollaku dhe Lulzim Bitri.
Paralajmërimi i kryeministrit Rama gjatë një takimi me strukurat e Policisë së Shtetit:
“Keni 110 ditë kohë për ta rivënë të gjithë trupën në angazhim maksimal nga i pari tek i fundit. Asnjë ditë më shumë. Që qytetarët të marrin frymë shumë të lehtësuar duke e parë Policinë e Shtetit në një nivel tjetër. Asnjë shkencë, asnjë shpikje, asnjë luftë me të panjohur, thjesht dhe vetëm gjërat që i dini, gjërat që njerëzit duan si themelin e marrëdhënies me shtetin.=
Kjo duhet bërë në respektin e vetes, masës dërrmuese të trupës që është korrekte dhe nuk ka pse t’i paguajë kostot një pjesë që duhet zhdukur nga Policia e Shtetit dhe duhet të shkojë përpara përgjegjësisë. Në çdo qark në 100 ditë duhet të jepen shembuj të qartë, nuk mund të ketë komisarë që luajnë me dy porta dhe ju nuk e keni fare problem as t’i kapni. Ky është një objekt i palëvizshëm në çdo qark”, u shpreh kreu i qeverisë.
